Compliance Team, i-monitor ang pag-install sang barrier sa mga bars, restaurants sa sulod sang isa ka semana

By: JoMaque | Oktubre 15, 2020

Iloilo City — I-monitor sang compliance team ang pag-install sang barriers sa mga bars kag restaurants.

Suno kay Task Force on Morals and Values Formation head Nestor Canong, ginhatagan ni Mayor Jerry Treñas sang isa ka semana ang mga bar owners kag restaurants para magbutang sang barriers sa mga lamesa.

Ginpahayag ni Canong nga ginatun-an sang syudad kun naghalin gid man sa mga restaurants kag bars ang mga COVID-19 cases nga na-record sang nagliligad.

Ang mga bar owners ang nag-ayo kay Mayor Jerry Treñas nga magbalik sa operation bangud madamo sang mga trabahador ang nawad-an sang trabaho.

Dugang pa ni Canong, padayon sa gihapon ang liquor ban.