DOH 6, naka-record sang 137 new COVID-19, 102 new recoveries

By: Aine Grace Bravo, Aksyon Radyo Iloilo

ILOILO CITY, October 21, 2020 — Gin-report sang Department of Health 6 ang 137 ka bag-o nga kaso sang COVID-19, kag 102 new recoveries sa Western Visayas subong nga adlaw.

Sa case bulletin no.208 nga ginpaguwa sang DOH 6 subong nga gab-i, nagalab-ut na sa 15,042 ang total cases sang COVID-19 sa rehiyon; 3,052 pa diri ang active cases; kag 11,634 ang total recoveries.

Wala naman sang gin-report nga napatay sa COVID-19 bangud nagapabilin sa 356 ang napatay sa Region 6.

May pinakadamo nga kaso ang na-record sa Iloilo City nga may 59, ginsundan sang Negros Occidental nga may 30; Iloilo nga may 22; Bacolod City nga may 13; kag Capiz nga may 11. | via DOH 6