174 new cases, 135 new recoveries, 2 new deaths sa COVID-19, nadugang sa Western Visayas

By: JoMaque | Oktubre 23, 2020

ILOILO CITY – Nadugangan sang 174 new cases sang COVID-19 ang Western Visayas subong nga adlaw, Oktubre 23. Base sa case bulletin No. 210 sang Department of Health (DOH) 6, nagpanguna ang Negros Occidental sa may pinakamadamo nga bag-o nga kaso nga naglab-ut sa 89.

Nagasunod ang Iloilo City nga may 40 ka new cases, Bacolod City kag Iloilo Province nga may tag-19, Capiz nga may anum (6) kag Guimaras nga may isa (1).

Sa bag-o nga kaso, 163 gid ang local cases ukon wala sang travel history sa guwa sang rehiyon, 10 ang LSIs kag isa ang ROF.

Samtang gin-report man sang DOH 6 ang 135 new recoveries – 64 halin sa Negros Occidental, 34- Bacolod City, 24- Iloilo, 11- Capiz, kag duha sa Guimaras.

Nadugangan man ang rehiyon sang duha ka bag-o nga nagkalamatay nga halin sa probinsiya sang Iloilo kag Bacolod City.

Sa kabug-usan ang Western Visayas, may 15,379 na ka kaso lakip ang 2,957 ka active cases, 12,061 total recoveries kag 361 total deaths sa COVID-19. | Via DOH 6