Negros Occidental, may pinakamadamo nga bag-o nga kaso sang COVID-19 sa Pilipinas

By: Aine Grace Bravo, Aksyon Radyo Iloilo

METRO MANILA, October 27, 2020 — Nagpanguna ang Negros Occidental sa may pinakamadamo nga bag-o nga kaso sang COVID-19 sa Pilipinas subong nga adlaw, Oktubre 27.

Gin-report sang Department of Health ang 1,524 ka bag-o nga kaso sa diin 115 halin sa Negros Occidental; 76 sa Cavite; 72 sa Benguet; 67 sa Quezon City; kag 65 sa Laguna.

Nadugangan man sang 353 new recoveries kag 14 new deaths ang pungsod.

Sa kabug-usan ang pungsod, may 373,144 cases lakip ang 37,489 active cases, 328,602 total recoveries kag 7,053 ka total deaths bangud sa COVID-19. | Via DOH