#FYI| Mga sementeryo, memorial parks, kag columbariums sa Western Visayas, sirado na umpisa subong nga adlaw tubtob sa Nobyembre 4 santu sa mandu sang Inter Agency Task Force

By: JoMaque | Oktubre 29, 2020

Iloilo City — Indi na pwede nga makabisita sa mga patyo memorial parks kag columbarium sugod subong tubtub Nobyembre 4.

Ginpahibalo ni Police Regional Office 6 spokesperson Police Lieutenant Colonel Joem Malong nga siraduhan sang isa ka semana ang tanan nga mga patyo base sa guidelines sang national Inter-Agency Task Force agud indi magdugok ang mga tawo kag malikawan ang local transmission sang COVID-19.  

Suno sa iya, may mga pulis nga iga-deploy sang mga sementeryo agud masigurado nga wala sang may makasulod sa nasambit nga mga petsa.

Antes ang Oktubre 29, wala sang may na-monitor nga insidente sa mga patyo ang PRO 6 bangud kalabanan sa mga local government units ang nagpatuman sang schedule sa pagbisita sementeryo agud malikawan ang pagdugok sang mga tawo.