12mn-3am curfew sa Iloilo City, dulaun na ni Mayor Treñas
By: Aine Grace Bravo, Aksyon Radyo Iloilo
ILOILO CITY, October 30, 2020 – Dulaon ni Iloilo City Mayor Jerry Treñas ang curfew sa siyudad nga halin 12 sa tungan gab-i tubtob las-tres sa kagaahon sugod Domingo, Nobyembre 1.
Wala pa naka-isyu ang alkalde sang executive order may kaangtanan diri.
Pero iya gin-athag nga magapabilin ang curfew for minors halin las-10 sa gab-i tubtob las-kuwatro sa kaagahon.
Suno kay Treñas, wala pa man ginrekomendar sang COVID team nga liwat maga-operate ang mga bars, pubs kag iban pa nga establisemento nga nagaserbe sang makahulubog nga ilimnon gani wala man sang kadtuan ang publiko bisan wala na sang curfew.
Pasugtan naman nga makabukas 24 oras ang mga fast food chains kag convenience stores.
Tuyo sini, suno sa alkalde, nga madugangan ang trabaho para sa mga Ilonggo. | via BBB