Democratic challenger Joseph Biden Jr., napilian nga ika-46 nga US President; Running mate niya nga si Kamala Harris, naghimo sang kasaysayan bilang labing una nga babaye kag black Vice President sang Amerika

By: JoMaque |Nobyembre 8, 2020

Napilian bilang ika-46 nga Presidente sang Amerika si Joseph R. Biden Jr.

Sa vote count sang Fox News kag Associated Press, nakakuha si Biden sang 290 electoral votes samtang 214 naman si Incumbent President Donald Trump.

Na-secure ni Biden ang Pennsylvania nga may 20 electoral votes kag Nevada nga may 6 electoral votes.

Kinahanglan makatipon sang 270 electoral votes ang isa ka nagapadalagan presidente para mangin lider sang Amerika.

Kasunod sang kadalag-an ni Biden, napilian man bilang Bise-Presidente sang Amerika si Kamala Harris, ang labing una nga babaye kag black Vice President.

Sa iya Twitter account, nagpasalamat si Biden sa pagpili sa iya para pamunuan ang Amerika, “America, I’m honored that you have chosen me to lead our great country. The work ahead of us will be hard, but I promise you this: I will be a President for all Americans — whether you voted for me or not. I will keep the faith that you have placed in me.”