Masobra 50% sang mga Ilonggos, nagapati nga indi sila dali-dali nga matapikan sang COVID-19 — RACI Survey

By: JoMaque | Nobyembre 8, 2020

Iloilo City —

Wala nagapati nga dali matapikan sang COVID-19 ang masobra 50% sa 200 ka mga respondents sa syudad sang Iloilo nga naga-edad 18 tubtob 60-anyos sa survey nga gin-conduct sang Random Access Consultants Inc. (RACI) sang nagligad nga semana.

Suno kay Professor Lisa Baliao sang RACI kag sociologist sa University of the Philippines-Visayas, sa ila pagpangusisa sa resulta sang survey, ila natukiban nga madamo sa mga residente sa Iloilo City ang nagapati nga mas susceptible sa balatian ang mga indibidwal nga naga-edad lima ka tuig panubo kag 60-anyos pasaka.

Dugang pa ni Prof. Baliao nga nakibot ang Iloilo City COVID-19 team, mga doktor kag kapulisan sa resulta sang survey sang ila ini ginpresentar sa Iloilo City Government kahapon, Nobyembre 6.

Ginpahayag man niya nga na-alarma ang mga opisyal bangud amo ini ang pagpati sang masobra 50% ka respondents nga nagpasakop sa survey.

Base naman sa survey, madamo ang nagapati nga susceptible sila sa COVID-19 apang wala nagasunod sa mga health protocols kaangay sang physical distancing, pagsuksok sang face mask kag face shield kag paghugas sang kamot.

Gin-request sang Iloilo City Government nga mag-conduct sang survey ang RACI sa pito ka distrito sa syudad agud matumod ang ihibalo kag kun paano ang pagsinarayo sang mga residente sa tunga sang COVID-19 pandemic. l Via Firingline