Balay sa Arevalo, Iloilo City, nasunog

By: Aine Grace Bravo, Aksyon Radyo Iloilo

ILOILO CITY, November 10, 2020 — Nasunog ang balay sa Barangay Sto. Niño Sur, Arevalo pasado la-una subong nga hapon, Nobyembre 10.

Suno kay Joseph Baylas, bata sang tag-iya sang balay, natabuan nga wala siya sa ila balay bangud may gin-asikaso kag nahibaluan na lang ang natabu sang nagpauli siya. Dugang pa ni Baylas, nasunog ang iya mga gamit lakip ang apat ka drone kag P4,000 nga cash.

Padayon nga gina-imbestigaran sang Bureau of Fire Protection kun ano ang ginhalinan kag kun pila ang kahalitan sang sunog. | via El John Mejia