DOH 6, naka-record sang 39 lang ka bag-o nga COVID-19 cases sa Western Visayas

By: Aine Grace Bravo, Aksyon Radyo Iloilo

ILOILO CITY, November 10, 2020 — Manubo ang kaso sang COVID-19 nga gin-report sang Department of Health (DOH) 6 subong nga adlaw, Nobyembre 10.

Base sa case bulletin No. 228 sang DOH 6, 39 ka bag-o nga kaso, 170 new recoveries kag tatlo ka bag-o nga nagkalamatay ang nadugang sa rehiyon.

Ang bag-o nga kaso na-record sa Negros Occidental –10; Iloilo Province — 8; Iloilo City kag Bacolod City nga may tag-pito; Aklan –apat; Capiz — duha; kag isa ka new case sa Guimaras.

Sa bag-o naman nga nag-ayo, 102 halin sa Iloilo City; 25 sa Iloilo Province; 23 sa Bacolod City; 19 sa Capiz; kag isa sa Aklan.

Sa kabug-usan ang Western Visayas may 17,904 na ka kaso lakip ang 2,847 active cases; 14,606 total recoveries kag 451 total deaths bangud sa COVID-19. | via DOH 6