Pila ka violators sang minimum health protocols sa Iloilo City, nakatapos na sang community service

By: Aine Grace Bravo, Aksyon Radyo Iloilo

ILOILO CITY, November 10, 2020 — Nakatapos na sang community service ang una nga set sang mga violators sang Regulation Ordinance no. 2020-085 nga naga-require sa pagsuksok sang face mask kag face shield/eye protector sa pampubliko nga lugar.

Gin-assign ang mga violators sa nagkalain-lain nga lugar sa siyudad agud magbulig sa beautification program.

Pagkatapos sang ila serbisyo, ginhatagan ang kada isa sang certificate of completion.

Gindugang ang community service sa penalidad sang mga wala nagasunod sa minimum health protocols nga pagsuksok sang face mask kag face shield/eye protector sa pampubliko nga lugar kag pag-obserbar sang physical distancing. | via Iloilo City Government Beautification Program