1,407 new cases sang COVID-19 sa Pilipinas, gin-report sang DOH

By: Aine Grace Bravo/Angel Mae Ciudad, Aksyon Radyo Iloilo

METRO MANILA, November 12, 2020 — Naka-record sang 1,407 ka bag-o nga kaso sang COVID-19 ang Department of Health.

Bangud sini, nagsaka na sa 402,820 ang COVID-19 sa Pilipinas.

Sa amo nga numero, 32,682 ang active cases ukon 8.11 percent.

Nagapabilin naman nga mataas ang percentage sang mga naka-recover sa virus nga 90.0% (362,417) kun ikumparar sa mga napatay nga may 1.92% (7,721).

211 naman ang nagdugang sa listahan sang mga nag-ayo rason nga naglab-ut na sa 362, 427.

7,721 ang napatay bangud sa 11 nga new deaths. | via DOH