Mag-abyan, dakup sa drug buy bust operation sa City Proper; Masobra P400,000 nga balor sang suspected shabu, nakumpiskar

Iloilo City –Arestado ang mag-abyan sa gin-conduct nga drug buy bust operation sang Regional Police Drug Enforcement Unit sa Barangay Zamora Milleza, City Proper.

Ginkilala ang mga subjects kanday Justine Barcebas, 26-anyos kag Dan Jester Sespiñas, 27-anyos.

Tatlo na ka semana nga gina-monitor sang RPDEU ang illegal activities sang duha.Suno sa Team Leader RPDEU 3, paryente man ni Justine ang mga Barcebas nga una na nga nadakpan sa buy bust operation.

Nakuha sa subject ang 15 ka sachets sang suspected shabu kag P20,500 nga buy bust money.

Ginabanta sa P400,000 ang market value sang suspected shabu nga nakuha sa mga subject.