Salakyan sang contractor, nakita sa sulod sang Esplanade; Iloilo City Gov’t, nagdepensa nga ‘okay lang’ ini bangud naga-inspection para sa Bike for a Cause

ILOILO CITY — Nakita ang salakyan sang contractor nga Roprim Construction nga nagabiyahe sa sulod sang Esplanade.

Suno kay PSTMO head Jeck Conlu, indi pwede ang mga salakyan sa sulod sang Esplanade. Apang, bangud may Bike for a Cause nga hiwaton, nag-inspection ang contractor sa bilog nga Esplanade agud madali makita kun may obstructions.

Ginpahayag ni Conlu nga pabutangan sang bollards ang Esplanade agud wala sang may makasulod nga salakyan.

Ang Esplanade ang yara pa sa contractor, sa idalom sang supervision sang DPWH kag wala pa naturn-over sa Iloilo City.