PBGEN Rolando Miranda, nagpungko na nga bag-o nga PRO 6 director

KAMPO DELGADO, Iloilo City — Nagsugod na pangalagad bilang bag-o nga director sang Police Regional Office (PRO) 6 si PBGEN Rolando Miranda, tal-us kay PBGEN Rene Pamuspusan nga ginsaylo sa Kampo Crame bilang deputy director sang Directorate for Plans.

Si Miranda ang naghalin sa Manila Police District bilang director.

Naka-agi man assign si Miranda bilang deputy director sa Negros Island Region sadto kag sa Directorate for Plans sa Camp Crame.

Hiwaton ang turn-over ceremony sa Disyembre 2 kag ginapa-abot nga mangin guest of honor kag presiding officer ang anay PRO 6 Director nga si PLTGEN Cesar Hawthorne Binag, Deputy Chief PNP for Operation.

“SERBISYO PUBLIKO“

Nagpasalig si PBGEN Miranda nga tutukan ang public service.

Pabaskugon, suno sa iya, ang kampanya kontra illegal nga druga, korupsyon kag insurhensiya.

Suno pa kay Miranda, importante nga ma-involve ang komunidad agud mangin madinalag-un ang kampanya sang kapulisan.

Sa iya panahon, ginpahayag ni Miranda nga mabatyagan sang publiko kun paano ang matuod nga trabaho sang mga pulis. | via Aksyon Hotline