DOH, naka-record sang 1,438 new cases sang COVID-19 sa Pilipinas

By: Aine Grace Bravo, Nemesio Martirez | December 2, 2020

METRO MANILA — Naglab-ut na sa 434,357 ang total cases sang COVID-19 sa pungsod pagkatapos naka-record sang 1,438 new cases subong nga adlaw, Disyembre 2.

Nagpanguna sa may pinakadamo nga bag-o nga kaso ang Davao City nga may 142, ginsundan sang Laguna nga may 89, Quezon City nga may 80, Manila nga may 63 kag Pampanga nga may 58.

Gin-report man sang DOH ang 232 new recoveries ukon nagdala sang kabug-usan nga naka-recover sa 399,005.

Samtang, naglab-ut naman sa 8,436 ang napatay sa COVID-19 bangud may 18 nga nagdugang subong nga adlaw. 26,916 naman sa mga kaso ang active cases. |via DOH