Mga nag-ayo sa COVID-19 sa Pilipinas, mas madamo kun ikumparar sa active cases – DOH

By: Aine Grace Bravo | December 10, 2020

METRO MANILA — Mas madamo ang nag-ayo sa COVID-19 sa Pilipinas kun ikumparar sa active cases.

Base sa Case Bulletin No. 271 sang Department of Health (DOH), 6.2% na lang sang kabug-usan nga kaso sa Pilipinas ukon 27,781 ang active cases sang COVID-19 sa bug-os nga pungsod.

Mas manubo ini sa mga nag-ayo na nga 409,058.

Nagalab-ut naman sa 8,701 ang total deaths.

Sa bulletin subong nga adlaw, 1,383 ang gin-report nga bag-o nga mga kaso; 133 ang nadugang nga naka-recover kag 24 ang new deaths.

Nagalab-ut sa 445,540 ang total cases sa Pilipinas. | via DOH