Iloilo City Hall employees, makabaton sang P15,000 nga CNA incentive

By: Jocelyn Maque | December 14, 2020

ILOILO CITY — Makabaton sang tag-P15, 000 nga Collective Negotiation Agreement (CNA) incentive ang mga empleyado sang Iloilo City Hall.

Suno kay Mayor Jerry Treñas, mangalipay lang anay subong bangud wala pa nakahibalo kun ano ang matabo sa madason nga tuig.

Ginpahayag sang alkalde nga pwede makahatag sang CNA incentive sa mga empleyado bisan madamo sang gasto ang syudad subong nga tuig bangud sa pagbakal sang mga relief goods sa mga residente, pati man ang pagbakal sang mga personal protective equipment para sa mga frontliners.

Gin-hold naman ang promotions sa Iloilo City Government agud makakinot ang syudad.