COVID-19 cases sa Pilipinas, lapaw na sa 461,000
By: Aine Grace Bravo/Ariel Solacito | December 22, 2020
METRO MANILA — Masobra na 461,000 ang kaso sang COVID-19 sa Pilipinas, base sa case bulletin No. 282 sang Department of Health.
Kasunod ini sang nadugang nga 1,721 ka bag-o nga kaso kahapon, Disyembre 21.
Nagpanguna sa may pinakamadamo nga bag-o nga kaso ang Davao City – 151; Quezon City – 142; Rizal – 85; Laguna – 81; kag Manila City – 77 new cases.
Gin-report man sang DOH ang 82 ka bag-o nga recoveries kag 10 ka bag-o nga nagkalamatay.
Bangud sini, 461,505 na ang kabug-usan nga kaso lakip ang 23,341 ka active cases, 429,207 ka total recoveries kag 8,957 ka total deaths sa Pilipinas bangud sa COVID-19. | via DOH
