268 naka-recover sa COVID-19 sa Western Visayas kahapon, Disyembre 23

Iloilo City — Naka-record sang 268 ka bag-o nga naka-recover sang COVID-19 sa Western Visayas ang Department of Health 6.

Bangud sini, nagsaka na sa 19, 756 ang nag-ayo sa rehiyon.

Samtang, 33 ang nagdugang sa listahan sang DOH 6 nga na-infect sang virus rason nga naglab-ut na sa 21,240 ang kaso sang COVID-19.

Nagapanguna sa may madamo nga bag-o nga kaso sa COVID-19 ang Negros Occidental nga may 12, ginsundan sang Iloilo City –8, Bacolod City –7, Iloilo province 3, Aklan–2 kag Capiz–1.

Wala naman sang bag-o nga kaso nga na-record sa Antique kag Guimaras.631 ang napatay sa COVID-19 sa rehiyon bangud sa walo nga nagdugang.