Iloilo City kag province, naka-record sang single-digit case sang COVID-19

By: Aine Grace Bravo | December 23, 2020

ILOILO — Pareho nga “single digit” ang kaso sang COVID-19 nga na-record sa Iloilo City kag probinsiya sang Iloilo kahapon, Disyembre 22.

Base sa case bulletin No. 270 sang Department of Health 6, 73 ka new cases ang nadugang sa rehiyon –51 halin sa Negros Occidental; 9 sa Bacolod City; walo sa Iloilo City; apat sa Aklan kag isa sa probinsiya sang Iloilo.

Wala sang bag-o nga kaso sa Antique, Capiz kag Guimaras.

Pila na ka sunod-sunod nga adlaw nga manubo ang kaso sa syudad kag probinsya sang Iloilo.

Gin-report man sang DOH 6 ang 21 ka bag-o nga recoveries kag lima ka bag-o nga nagkalamatay.

Bangud sini, naglab-ut na sa 21,207 ang total cases sa rehiyon lakip ang 1,091 ka active cases, 19,488 ka total recoveries kag 623 ka total deaths bangud sa COVID-19. | via DOH 6