Mga advertisement sa pagbaligya sang COVID-19 vaccine, i-ban sang Facebook agud mapunggan ang pagpamintaha

By: Aine Grace Bravo | December 30, 2020

Nagpaguwa sang bag-o nga advertisement policy ang Facebook nga nagadumili sa pagpaguwa sang anuman nga content nga makapamintaha sa iban subong nga tiyempo sang pandemya.

Lakip sa mga idumili sang Facebook ang mga advertisement nga nagatuyo magbaligya sang COVID-19 vaccine ukon ang mga nagahambal nga bulong ang bakuna sa virus.

Pasugtan naman ang mga content nga naga-promote sang mga impormasyon parte sa bakuna pareho sang mga ikasarang sang COVID-19 vaccine nga malikaw ang indibidwal nga matapikan sang virus. –via Facebook