2 balay, nasunog sa Mandurriao; Balor sang kahalitan ginabanta sa tunga sa milyon ka pesos
Iloilo City – Ginabanta nga naglab-ut sa P526, 500 ang balor sang kahalitan sang nasunog ang duha ka balay sa Oñate De Leon, Mandurriao subong nga aga, Enero 1.
Suno kay Senior Inspector Jesus Valenzuela, gina-imbestigaran pa ang ginhalinan sang kalayo sa duha ka balay nga nasunog sa sulod sang compound nga ginapanag-iyahan ni Reynaldo Gecos.
Ginpahayag ni Valenzuela nga wala na sang may naga-istar sa balay lima na ka tuig ang nagligad nga ginpatindog sang 1960s.
Gina imbistigaran naman kun sin-o ang tawo sang natabuan sang sunog.
Human sa mixed materials ang balay pero laban sa kahoy.