Pagsug-alaw sang 2021 sa Western Visayas, generally-peaceful — PRO 6

Iloilo City — Wala sang na-record nga indiscriminate firing, stray bullet incidents, kag firecracker-related incidents ang Police Regional Office 6 sa pagsug-alaw sang 2021 sa Western Visayas.

Base ini sa assessment sang PRO6 sa ila New Year’s Eve Security and Safety Coverage as of 7AM subong nga adlaw, Enero 1.

Naga-coordinate pa ang PRO6 sa Department of Health sa pag-validate sang data may kaangtanan sa mga firecracker-related incidents.

Sang nagligad nga tuig, naka-record sang isa ka kaso sang indiscriminate firing ang PRO6.

Ang maid-id nga pagpatuman sang Enhance Managing Police Operations kag iban pa nga law enforcement operations kag implementasyon sang COVID-19 protocols ang isa sa mga ginalantaw nga rason sang PRO6 sa ila madinalag-on nga safety and security coverage. | via PRO6 Assessment on New Year’s Eve 2021 Security and Safety Coverage