Death toll sa COVID-19 sa Western Visayas, wala nadugangan kahapon, Enero 2
Nagpanguna ang Negros Occidental sa may pinakamadamo nga kaso sang COVID-19 nga nagudgang sa Western Visayas kahapon, Enero 2.
Base sa case bulletin number 281 sang Department of Health 6, 22 ka new cases sang COVID-19 ang nadugang sa Rehiyon 6 nga nagdala sa kabug-usan nga kaso sa 21,676.
10 diri ang halin sa Negros Occidental; Anum sa Iloilo Province; Tatlo sa Bacolod City; kag tag-isa sa Aklan, Guimaras, kag Iloilo City.
23 naman ang nagdugang sa mga naka-recover kabangdanan nga naglab-ot na sa 20,208 ang total recoveries sa rehiyon kag nagapabilin sa 652 ang mga napatay. | via DOH6
