50 kilohan nga may daya nga nakumpiskar sa mga public markets sa Iloilo City, ginpangmaso

By: Aine Grace Bravo | January 7, 2021

ILOILO CITY – Ginwasak kag ginhaboy sa Calajunan Dumpsite ang 50 ka kilohan nga may daya nga nakumpiskar sa random inspection sang mga personnel sang Local Economic Enterprise Office (LEEO) sa public markets sa syudad.

Suno kay LEEO Executive Assistance Simplicio Subaldo, halos tanan nga public markets ang may kilohan nga may daya.

Pero pinakamadamo ang ila nakumpiskar sa Iloilo Terminal Market.

Ginpangguba lang ang mga kilohan bangud first offense pa lang ini sang mga vendors, suno kay Subaldo. Pero sa ikaduha nga violation, pahalinon na ang vendor sa iya pwesto.

Ginatun-an man sang syudad, suno kay Subaldo, kun ano nga kaso ang ipasaka batok sa may mga daya ang kilohan. –via Francisco “Kikik” Enar