ArchivesKalusuganLokalUncategorized

Guimaras Prov’l Gov’t, may P70-million nga pondo agud ibakal sang COVID-19 vaccine

GUIMARAS — Nakatipon sang P70- million ang Guimaras Provincial government agud ibakal sang bakuna batuk sa COVID-19.

Suno kay Guimaras Vice Governor John Edward Gando, nagpasalig ang local finance committee sang probinsiya kay Guimaras Governor Samuel Gumarin nga may pondo para sa vaccine.

Ang nasambit nga kantidad suno kay Gando ang savings sang provincial government sang nagligad nga tinu-ig.

Target nga bakunahan ang 121,000 ka pumoloyo kag prayoridad ang mga senior citizens, indigents, kag frontliners.

Tatlo ka pharmaceutical companies ang pagapili-an nga baklan sang vaccine nga nalakipan sang Pfizer-BioNTech, AstraZeneca kag Moderna kag maga-depende sa approval sang Food and Drug Administration (FDA).

186,000 ang populasyon sang Guimaras pero 65,000 ka mga pamatan-on ang indi pag-ilakip sa pabakunahan, dugang ni Gando.

aksyonradyoiloilo

Aksyon Radyo Iloilo is the No. 1 station in both AM and FM bands in Iloilo based on April and September 2023 and June 2024 Kantar Media surveys.

Leave a Reply