Molecular Lab sang Philippine Red Cross sa Passi City, inagurahan buwas, Enero 13

By: Aine Grace Bravo | January 12, 2021

PASSI CITY – Inagurahan buwas, Enero 13, ang molecular laboratory sang Philippine Red Cross sa Passi City.

Ginkumpirmar ini ni Passi City Mayor Stephen Palmares. Ginalauman nga magatambung sa inagurasyon si PRC national chairman, Senador Richard Gordon.

Ang laboratory sa Passi City ang ika-13 nga molecular lab sang Philippine Red Cross sa pungsod, suno kay Gordon.

Mangin bukas ang lab sa pagbaton sang specimen halin sa Iloilo province kag kaingud nga mga probinsya. Maka-proseso ang molecular laboratory sang tubtob 1,000 tests kada adlaw. –via BBB