Virtual Pamukaw sa Opening Salvo sang Dinagyang Digital 2021, natalana karon sa hapon, Enero 15

By: Aine Grace Bravo | January 15, 2021

ILOILO CITY –Handa na ang tanan para sa Virtual Pamukaw sa Opening Salvo sang Dinagyang Digital 2021 karon sa hapon, Enero 15.

Suno kay Iloilo Festivals Foundation Spokesperson Joyce Clavecillas, may hiwaton nga malip-ut nga programa nga tambungan sang mga City officials.

Pagasundan ini sang virtual presentation sang mga tribo nga nagpasakup sang nagligad nga tuig nga Dinagyang Festival.

May pasiplat man sa mangin performance sang mga tribu nga mapasakup sa digital presentation sa highlight sang festival sa Enero 24.

Wala na sang mga aktibidad nga may madamo nga participants, suno kay Clavecillas, bangud man sang COVID-19 pandemic.

Makita ang Virtual Pamukaw sa Opening Salvo sa Facebook page sang Iloilo Dinagyang, Mayor Jerry Treñas, Iloilo City Government, Iloilo Festivals Youtube account kag sa Facebook page sang Aksyon Radyo Iloilo. –via Aksyon Reports Afternoon Edition