59 new cases sang COVID-19, nadugang sa Western Visayas

By: Aine Grace Bravo | January 19, 2021

ILOILO CITY – Nadugangan sang 59 ka bag-o nga kaso sang COVID-19 ang Western Visayas kahapon, Enero 18.

Na-record ang new cases sa Iloilo province – 28; tag-12 sa Negros Occidental kag Iloilo City; apat sa Antique; kag tatlo sa Aklan.

Wala sang bag-o nga kaso sa Capiz, Guimaras kag Bacolod City.

Base sa Case Bulletin No. 297 sang Department of Health 6, nadugangan man ang rehiyon sang 55 ka bag-o nga recoveries rason nga nagsaka sa 20,893 ang kabug-usan nga nag-ayo.

Nagapabilin naman sa 687 ang total deaths bangud wala sang kahapon.

Ang Western Visayas, may 22,341 na ka kaso kag 755 ang active cases ukon wala pa naka-recover sa COVID-19. – via DOH 6