Water refilling station sang bata ni Iloilo City Councilor Jojo Javellana, natukiban nga naga-connect sa secondary line sang MORE Power; Konsehal, nanginwala nga naga-“jumper” ang iya bata

By: Aine Grace Bravo | January 19, 2021

ILOILO CITY – Natukiban nga may illegal connection sa secondary line sang MORE Power ang water refilling station sang bata ni Iloilo City Councilor Jojo Javellana sa Loboc, Lapuz.

Suno kay Mr. Jonathan Cabrera, spokesperson sang MORE Power, nakabaton sila sang impormasyon nga may illegal connection sa lugar sang nagligad nga semana.

Sang gin-validate sang apprehension team sang MORE Power, nahibaluan nga illegally connected sa secondary line sang MORE ang linya sang kuryente sang water refilling station.

Ginpahayag ni Cabrera nga nag-abot sa lugar si Councilor Javellana kag ang iya asawa kag nagpa-athag sa ila.

Ginpanginwala ni Councilor Javellana nga naga-“jumper” ang negosyo sang iya bata.

Suno sa konsehal, madugay na nga sirado ang refilling station kag naga-apply sila para matakdan ini sang kuntador. – via Brian Valle