Uswag Tracer App, ginhimo nga Contact Tracing System sang Iloilo City
ILOILO CITY — Ginhimo sang Iloilo City nga central contact tracing system ang Uswagtracer application.
Base sa Executive Order ni Mayor Jerry Treñas, ang tanan nga mga residente sang Iloilo City ang dapat mag-coordinate sa ila mga barangay secretaries para sa QR Code.
Ang tanan naman nga mga indi residente apang nagatrabaho sa syudad, ang dapat ipa-register sang ila mga kompaniya ukon gina -obrahan.
Ang mga nagabisita naman sa syudad ang mahimo makakuha sang QR Code paagi sa pagpa-register sa mga malls, City Hall, kag Airports kag Seaports.
Kinahanglan nga maghatag sang ngalan, edad, birth date, email address, complete address, gender kag mobile number para sa QR Code.
Ang QR Code ang kinahanglan antes magsulod sa mga establisyemento kag opisina sa syudad agud mahapos ang contact tracing.
