Notice of disconnection, wala dapat ginalakip sa montly billing –ERC legal

By: Aine Grace Bravo | January 22, 2021

ILOILO CITY – Wala dapat ginalakip sa monthly billing ang notice of disconnection sang mga consumers.

Suno kay Atty. Florecinda Digal, Legal officer sang Energy Regulatory Commission, separado dapat ang notice of disconnection sa monthly billing.

Kinahanglan, suno kay Digal, nga magpadala sang separado nga notice of disconnection ang isa ka power distributor.

Base sa Magna Carta for Residential Electricity Consumers, kinahanglan sang distribution utility nga magpadala sang notice of disconnection sa customer 48 oras antes ang pag-utod sang linya sang kuryente.

Indi dapat paghimuon ang pag-utod, pasado las-tres sa hapon, Sabado, Domingo kag official holiday.

Nabutang man sa Magna Carta nga indi dapat pag-utdan ang mga panimalay nga may permanent occupant nga nagamasakit kag dependent sa life support system kag ang mga customers nga may single statement for consumption nga naga-cover sang pila ka bulan bangud wala napadala sang distribution utility ang ila monthly billing. – via Brian Valle