Iloilo province, may pinakamadamo nga new cases sang COVID-19 sa Western Visayas sang Enero 25

By: Aine Grace Bravo | January 26, 2021

ILOILO CITY – Nadugangan sang 58 ka bag-o nga kaso sang COVID-19 ang Western Visayas kahapon, Enero 25.

Base sa Case Bulletin No. 304 sang Department of Health (DOH) 6, may pinakamadamo nga bag-o nga kaso ang probinsiya sang Iloilo nga may 35.

Na-record man ang 14 ka new cases sa Iloilo City; anum sa Bacolod City; duha sa Guimaras; kag isa sa Aklan.

Wala sang bag-o nga kaso sa Antique, Capiz, kag Negros Occidental.

Nagsaka sa 22,762 ang kabug-usan nga kaso sang COVID-19 sa Rehiyon 6 –984 pa ang active cases ukon wala pa naka-recover sa virus.

Gin-report man sang DOH 6 ang 17 ka bag-o nga recoveries kag isa ka bag-o nga napatay rason nga naglab-ut sa 21,079 ang total recoveries, samtang 693 ang total deaths. –via DOH 6