Iloilo province, wala sang bag-o nga kaso sang COVID-19

By: Aine Grace Bravo | January 25, 2021

ILOILO – Wala sang nagdugang nga bag-o nga kaso sang COVID-19 sa probinsya sang Iloilo kahapon, Enero 24.

Base sa Case Bulletin No. 303 sang Department of Health 6, 36 ka bag-o nga kaso ang na-record kahapon.

Na-record ang new cases sa Negros Occidental nga may 16; Aklan – 9; Iloilo City – 8 kag Guimaras – 3.

Nadugangan man sang 35 ang naka-recover kag isa ang napatay.

Sa kabug-usan, nagalab-ut sa 22,704 ang COVID-19 cases sa Western Visayas –944 ang active cases; 21,062 ang total recoveries kag 692 ang total deaths. –via DOH 6