19-anyos nga lalaki, patay sang nabungguan sang patrol car sang Balasan Police Station sa Janiuay
JANIUAY, Iloilo – Patay ang 19-anyos nga lalaki sang nabungguan sang patrol car sang Bingawan Police Station sa Barangay Matag-ob, Janiuay mga las-11:50 kaina sang aga, Enero 26.
Ginkilala ni Police Major Eleazar Climacosa, hepe sang Janiuay Police Station ang biktima kay John Emmanuel Gaje sang Barangay Calansanan, Badiangan.
Base sa imbestigasyon sang Janiuay police, bag-o lang panaug sa depasahero nga salakyan si Gaje sang gulpi lang siya nagtabok sa karsada kag wala niya natalupangdan ang patrol car sang pulis.
Nasagaid sang side mirror sang patrol car ang biktima pero nakalampos ang iya ulo sa karsada.
Padulong kuntani sa Iloilo Police Provincial Office (IPPO) Headquarters ang patrol car nga ginamaneho ni Police Corporal Nadje Castor sang natabu ang aksidente.
Gindala pa si Gaje sa Janiuay District Hospital pero gindeklarar nga dead-on-arrival. Gin-custody naman sang Janiuay police si Corporal Castor.
