Preso sa BJMP Culasi, Antique, nakapalagyo

Antique — Nakapalagyo sa Bureau of Jail Management and Penology (BJMP) sa Culasi, ang 24-anyos nga preso nga may kaso nga rape mga las 2 kaina sang kaagahon.

Suno kay Police Corporal Armando Paulino sang Culasi Police Station, ginkilala ang preso kay Robert Domingo, 24-anyos sang Brgy. Bagacay, Culasi, Antique.

Napreso si Domingo sang Pebrero 2019. Base sa pagpangusisa sang Culasi Police, nagreklamo si Domingo kagab-i, Enero 25 sa mga jail guards nga nagasakit ang iya tiyan gani wala siya anay ginpasulod sa selda kag ginpatulog temporaryo sa chapel.

Nakibot na lang ang mga naga-roving nga jail guards sang natalupangdan nga wala na si Domingo sa chapel kaina sang kaagahon.

Nagapadayon ang hot pursuit operation sang BJMP Culasi kay Domingo.