30-50 daily average cases sang COVID-19, na-record sa Western Visayas subong nga Enero; Mass gathering, ginatudlo rason sang pagsaka sang kaso — DOH 6
lloilo City — Naka-record sang 30 tubtob 50 ka daily average cases sang COVID-19 ang Department of Health 6 subong nga Enero sa Western Visayas.
Ginpabutyag naman ni DOH 6 spokesperson Dr. Mary Jane Juanico, mas maayo ini kumparar sa nagliligad nga binulan.
Base sa ila data, naka-record ang ahensiya sang 150 cases kada adlaw sang Oktubre, 100 cases sang Nobyembre kag 50 cases naman kada adlaw sang Disyembre sang nagligad nga tuig.
May lain-lain man nga “criteria” nga ginabasehan, suno kay Juanico, sa pag-identify kun yara na sa critical level ang kaso sang COVID-19 sa isa ka lugar kag kun makabig na nga critical zone.
Gin-ako man ni Juanico nga may kakulangan sa pagpatuman sang minimum health standards bangud sa mga ginahiwat nga mga mass gatherings sa siyudad kag probinsya nga ginatudlo rason sang pagsaka sang kaso subong nga bulan.