Iloilo province, wala sang na-record nga new cases sang COVID-19 sang Enero 31

By: Aine Grace Bravo | February 1, 2021

ILOILO CITY –Wala sang bag-o nga kaso sang COVID-19 nga na-record sa probinsya sang Iloilo kahapon, Enero 31, base sa Case Bulletin No. 310 sang Department of Health 6.

Sa 28 ka new cases nga nagdugang sa Western Visayas, Bacolod City ang nagpanguna sa may pinakamadamo nga bag-o nga kaso nga may 13; ginsundan sang Iloilo City nga may 12; duha sa Guimaras; kag isa sa Aklan.

Wala man sang may nagdugang sa mga napatay kag 11 ng na-record nga new recoveries.

Sa kabug-usan, 23,189 na ang COVID-19 cases sa Rehiyon 6 nga may 1,152 ka aktibo nga kaso; 21,333 naman ang total recoveries kag 698 ang total deaths. –via DOH 6