69 new recoveries, na-record sa Western Visayas

ILOILO CITY – Padayon nga nagadamo ang mga naga-ayo sa COVID-19 sa Western Visayas.

Ini kasunod nga gin-report sang Department of Health 6 ang 69 ka bag-o nga recoveries.

Nadugangan man ang rehiyon sang 36 ka bag-o nga kaso kag duha ka bag-o nga nagkalamatay.

Base sa case bulletin no. 312 sang DOH 6, tag-10 ka bag-o nga kaso ang na-record sa Iloilo City kag Bacolod City; anum sa Negros Occidental; lima sa probinsiya sang Iloilo; tatlo sa Capiz; kag duha sa Aklan. Wala sang bag-o nga kaso sa Antique kag Guimaras.

Sa kabug-usan ang Western Visayas may 23,311 na ka kaso lakip ang 1,179 ka active cases, 21,426 ka total recoveries kag 700 ka total deaths bangud sa COVID-19.