Doktor sa Iloilo Provincial Hospital sa Pototan, nagpositibo sa COVID-19

By: Aine Grace Bravo | February 4, 2021

ILOILO – Nagpositibo sa COVID-19 ang doktor sa Iloilo Provincial Hospital sa Pototan.

Ginkumpirmar ini ni Dr. Cynthia Cabangal-Ng, chief sang Hospital Management Office sang Iloilo Provincial Government.

Naka-quarantine ang doktor sa iya balay sa Iloilo City, kag nakahimo naman sang contact tracing, suno kay Dr. Cabangal-Ng.

Nag-coordinate man ang HMO sa Iloilo City Health Office.

Temporaryo nga ginsuspender ang mga services sa Surgical Ward sa Provincial Hospital, suno kay Cabangal-Ng, pero ginalauman nga makabalik gilayon ang operasyon pagkatapos sang disinfection.

Pebrero 2 sang gin-swab ang doktor kag nagguwa ang resulta kahapon, dugang ni Cabangal-Ng. –via Balita, Banat, Bulig