Mga government officials, employees nga nagabiyahe bangud ang official business, indi na pag-i-subject sa mandatory testing kag quarantine protocols sang LGUs –IATF
Manila — Indi na kinahanglan pa nga i-subject sa mandatory testing kag quarantine protocols sang mga Local Government Units ang mga government officials kag employees nga nagabyahe bangud sang official business transaction.
Ini ang nasaad sa IATF Resolution 98-A nga gin-issue sang Pebrero 4.
Sandig sa amo nga resolution, kinahanglan lang sang mga natungdan magpresentar sang valid IDs nga gin-issue sang ila government agency kag original ukon certified true copy sang travel authority ukon order nga gin-issue sang ila Department Secretary ukon gin-designate nga opisyal.
Kinahanglan man nila makapasar sa symptom screening sa port pag-abot sa lugar ukon antes magsakay kun sa public transport.
Istrikto sa gihapon nga ipatuman ang minimum health standards kasubong sang paggamit sang face mask kag face shield, pag-observe sang physical distancing (indi magnubo sa 1 meter nga distansiya), kag masami nga paghugas sang kamot ukon paggamit sang alcohol ukon sanitizers.
Sa Western Visayas, masami nga gina-subject sang mga LGUs ang mga Authorized Persons Outside of Residence sa facility quarantine kag ginapa-swab man agud makasiguro nga wala sang COVID-19 antes gin-issue ang IATF Resolution Number 98-A.
Lakip ang mga government officials kag employees sa mga APORs nga nagabyahe bangud sang ila trabaho.
Ginakuhaan sang pahayag sang Aksyon Radyo Iloilo ang mga local officials angut sini.
