Iloilo province, nagpanguna sa may madamo nga new cases sang COVID-19 sa Western Visayas kahapon, Pebrero 6

Iloilo City — Nagpanguna ang probinsya sang Iloilo sa may madamo nga bag-o nga kaso sang COVID-19 sa Western Visayas kahapon, Pebrero 6.

Sa 49 ka new cases nga na-record sang Department of Health 6, 31 ang naghalin sa Iloilo Province; 14 sa Iloilo City; kag tag-duha sa Negros Occidental kag Aklan.

43 naman ang nagdugang sa mga naka-recover nga nagdala sa total recoveries sa 21,700.

Wala naman sang nagdugang sa mga napatay kabangdanan nga nagapabilin sa 702 ang total deaths.

Sa kabug-usan, 23,574 na ang total cases sang COVID-19 sa Rehiyon 6 kag 1,166 pa diri ang aktibo nga kaso.