Iloilo province, liwat nga nagpanguna sa may pinakamadamo nga new cases sang COVID-19 sa report sang DOH 6 sang Pebrero 7

By: Aine Grace Bravo | February 8, 2021

ILOILO – Liwat nga nagpanguna ang probinsya sang Iloilo sa may pinakamadamo nga bag-o nga kasos ang COVID-19 sa Western Visayas kahapon, Pebrero 7, base sa case bulletin number 317 sang Department of Health 6.

Sa 68 na na-record nga new cases kahapon, 43 ang naghalin sa Iloilo Province.

Ginsundan ini sang Iloilo City nga may 10; Aklan nga may pito; apat sa Bacolod City; tatlo sa Negros Occidental; kag isa sa Capiz.

Sa kabug-usan, 23,644 na ang kaso sang COVID-19 sa Rehiyon 6 nga may 1,198 ka active cases.

Naglab-ot naman sa 21,738 ang mga nag-ayo bangud sang 38 ka new recoveries, samtang nagapabilin sa 702 ang mga napatay. –via DOH 6