Mga tarpaulin nga may nakasulat nga “Run Sara Run” kag litrato ni Davao City Mayor Sara Duterte, naglapta sa higad sang dalanon sa Iloilo

By: Aine Grace Bravo | February 9, 2021

ILOILO – Nasiplatan ang tarpaulin nga may litratro ni Davao City Mayor Sara Duterte nga may nakasulat nga “Run Sara Run for President 2022” sa higad sang dalan sa Anilao kag iban pa nga banwa sa Iloilo.

Si Mayor Sara, nga bata ni Presidente Rodrigo Duterte, ang ginaduso nga magdalagan sa pagka-presidente sa 2022 elections. Pero wala pa sang pinal nga pahayag ang alkalde sang iya plano sa pala-abuton nga eleksyon.

Sang damlag lang, naglapta man ang kalendaryo sang alkalde nga may kasubong man nga mga tinaga nga nasulat sa tarpaulin sa Luzon.

Nagpanguna ang bataon nga Duterte sa presidential preference survey sang Pulse Asia nga gin-conduct sang November 23 tubtob Disyembre 2, 2020. –Aksyon Radyo Iloilo