Implementasyon sang MVIS, ginapasuspender ni Sen. Grace Poe
By: Aine Grace Bravo | February 10, 2021
METRO MANILA – Nagpanawagan si Sen. Grace Poe sa Department of Transportation (DOTr) nga i-suspend ang implementasyon sang Motor Vehicle Inspection System nga ginapakamalaut sang publiko.
Ini sa pihak sang madamo nga issues kag reklamo sang mga motorista ilabe pa nga may COVID-19 pandemic.
Suno kay Poe, “The timing of its implementation could not have been worse. We are still in the middle of a pandemic with no definite end in sight. Hindi ba pwedeng time-out muna habang nasa gitna pa tayo ng pandemya?”
“The costs are prohibitive for a still imperfect system. Mula sa P500 noon na emission testing fee, naging P1,500 o triple ang iminahal ngayon ng inspection fee. Dagdag pa ito sa mismong registration fee na maaaring umabot ng higit pa sa P3,000. Para sa isang sistema na napakaraming problema, makatwiran ba ang mga bayaring ito?,” ang dugang sang senador.
Ginpahayag pa ni Poe nga kulang sa konsultasyon ang pag-transition sa MVIS halin sa emission testing.
Suno pa sa iya, dapat ginkonsulta ang publiko kag ginpahibalo sa kada tikang sang ahensiya kag mangin kabahin sa pagplastar sang kasubong sini nga polisa.
“ISUMITER ANG LISTAHAN SANG PMVICs LAKIP ANG MGA OWNERS, INCORPORATORS”
Sa nasambit nga hearing, ginpangabay ni Poe ang DOTr kag LTO nga magsumiter sang listahan sang mga Private Motor Vehicle Inspection Centers (PMVICs) lakip ang tag-iya sini kag incorporators.
“Ibinigay ninyo sa pribadong namumuhunan na three years lang mababawi na nila. Eh, kung nasa kanila ng ilang taon ‘yan, ‘e ‘di ang laki ng kita nila. Bawi na sila ng tatlong taon.”
Ginkwestiyun man niya ang ahensiya kun paano ginpili ang PMVICs kag kun nahanas gid sang husto ang ila mga personnel.
Sa subong, may 138 ka accredited nga PMVICs sa pungsod kag 23 pa lang ang naga-operate kag ginapanan-aw nga alang-alang ini agud maka-akomodar sa tanan nga salakyan nga kinahanglan magparehistro kada tuig.
Magluwas diri, ginapasumiter man ni Poe ang LTO kag DOTr sang minutes sang ila konsultasyon sa mga stakeholders.
“While we want the problems in land transport fixed, we should never go about it experimentally. Not during the pandemic, not ever. Kung may mag-a-adjust dito, hindi ang mga motorista… Those who conceive of these far-reaching policies must obey the oldest rule on the road: Stop, look and listen,” dugang sang senador. – via Senate of the Philippines