ArchivesLokalPulis

CIDG officials nga nagpamuno sa maduguon nga operasyon sa Tapaz, Capiz sang Disyembre 2020, ginpadal-an sang notice of complaint

By: Aine Grace Bravo | February 17, 2021

ILOILO CITY – Ginpadal-an sang notice of complaint sang Regional Internal Affairs Service (RIAS) 6 ang mga respondents sa joint police and military operation sa Tapaz, Capiz sang Disyembre 30, 2020 nga ginkapatay sang siyam ka mga ginpahayag miyembro sang NPA.

Suno kay RIAS 6 Chief, PCOL Roger James Brillantes, sa tiun nga mabaton ang notice, hatagan sang lima ka adlaw ang mga respondents agud makasumiter sang counter affidavit.

Siyam (9) ka miyembro sang CIDG Regional Field Unit NCR; apat (4) ka miembro sang CIDG Regional Field Unit CALABARZON; kag duha (2) ka miyembro sang PNP Drug Enforcement Group Special Operation Unit ang ginpadal-an sang notice of complaint.

Gin-athag ni Brillantes nga supporting unit lang ang PRO 6 territorial unit kag CIDG 6 kag wala nalakip sa ginpadal-an sang notice of complaint.

Ang CIDG Regional Field Unit NCR, CIDG Regional Field Unit CALABARZON kag PNP Drug Enforcement Group ang principal operating police operatives kag naga-uyat sang intel project, suno pa kay Brillantes.

Natapos na ang motu propio investigation kag ginrekomendar sang RIAS6 ang pre-charge investigation agud madeterminar kun may probable cause batok sa mga ginareklamo. –via Aljohn Torreta