Iloilo City Mayor Jerry Treñas, nag-apelar sang bulig sang media may kaangtanan sa information campaign sa COVID-19 vaccination program sang siyudad

Iloilo City—Naga-apelar sang bulig si Mayor Jerry Treñas sa media may kaangtanan sa information campaign sang siyudad sa COVID-19 vaccination program.

Suno kay Treñas, kulang sa pagpa-athag ang mga pumuluyo kabangdanan 71% sang mga residente sa syudad nga indi luyag magpabakuna para sa COVID-19.

Gin-ako sang alkalde nga may diutay nga problema sa vaccination program sang syudad kabangdanan luyag niya nga maghimo sang massive information campaign para mapa-athag pa gid sa mga pumuluyo ang ka-importansiya sang bakuna.

Luyag sang alkalde nga madugangan ang acceptability sang mga pumuluyo sa bakuna rason nga nag-apelar siya indi lang sa mga miembro sang media kundi pati man sa mga simbahan kag private sectors nga magbulig sa information campaign sang syudad sa COVID-19 vaccines.