Iloilo City Mayor Jerry Treñas, nagpirma sang voucher para sa advance payment sang siyudad sa COVID-19 vaccine
ILOILO CITY – Nagpirma na kahapon, Pebrero 19 si Iloilo City Mayor Jerry Treñas sang voucher para sa advance payment sang 600,000 doses sang COVID-19 vaccine para sa 60% sang populasyon sang siyudad.
Ini kasunod sang pagpirma ni Presidente Rodrigo Duterte sa memorandum nga nagapahanugot sang advance payment sa masobra 15% sang contract price para sa bakuna nga baklon sang LGU.
Suno sa alkalde, posible sa Lunes ukon Martes sa masunod nga semana, mapadala na ang bayad kag nagalaum siya nga mangin available ang bakuna sa Hulyo 2021.