Sistema nga ipatuman sa paglaslas sang Bagyo Auring sa probinsya sang Iloilo, plastado na — Gov. Defensor Jr.
ILOILO — Plastado na ang sistema nga ipatuman sang Iloilo Provincial Government sa tiun nga maglaslas ang bagyo Auring sa probinsiya.
Suno kay Iloilo Governor Arthur Defensor Jr., naka-standby na ang civil defense vehicles kag mga truck teams nga gamiton kun may mga evacuees sa mga kabanwahanan.
Ginpreparar naman ang assets kag resources sang Provincial Disaster Risk Reduction and Management Council (PDRRMC) lakip ang halin sa nagkalain-lain nga National Government Agecies.
Nakahanda naman nga i-deploy ang mga magkatuhay nga rescue teams sa mga kabanwahanan lakip ang personnel sang PNP, BFP kag private groups kun kinahanglanon.
Padayon ang monitoring sa bagyo paagi sa Civil Defense Operations Center sang probinsiya agud gilayon nga maabisuhan ang mga kabanwahanan.
Ginpasiguro man sang gobernador nga preparado naman ang relief goods lakip ang bugas kag naga-coordinate na sila sa DSWD para sa dugang agud ihatag sa mga residente nga maapektuhan.
